ഒരു പക്ഷെ കാലം ഇവിടെ കോറിയിടുന്നത് കറുത്ത കനലുകളായിരിക്കാം.. എങ്കിലും നമ്മള് ഒരുമിച്ച് ചിലവിട്ട നിമിഷങ്ങള്, അതിലെ നന്മകള്, നോവുകള് എല്ലാം ഒരു ഓര്മയായ് , ഓളമായ് ഇവിടെ തങ്ങി നില്ക്കും..
ഓര്മ്മകള് ചിലപ്പോള് ഒരു നോവായിരിക്കാം . ആ നോവും ഒരു മധുരം. ആ ഓര്മകളില് എല്ലാം ഉണ്ടാവാം , ചിലപ്പോള് ഒന്നുമില്ലായിരിക്കാം.
സ്നേഹം തോക്കില് നിറച്ച് വെടിയുണ്ടയേക്കാള് ശക്തിയില് ഉതിര്ക്കുന്നവരുണ്ടാവാം .ഒരു കുഞ്ഞു തട്ടത്തിന്റെ മറവില് കുറഞ്ഞു തുടങ്ങിയ ദിവസങ്ങള്ക്കുള്ളില് മനസ്സിലെ പ്രണയമെല്ലാം ഒരു ഹൃദയച്ചാര്ത്തിലൂടെ പകര്ന്നു തരാന് വെമ്പല് കൊണ്ടവര് ഉണ്ടാകാം.നഷ്ടപെടുമെന്നറിയാമെങ്കിലും രാത്രികള് പോലും പ്രണയത്തിന്റെ പകലായ് മാറ്റിയവര് ഉണ്ടാകാം. പ്രണയിക്കാനും പ്രണയിക്കപ്പെടാനും കഴിയാതെ നൊന്തു നൊന്തു പ്രണയിക്കാന് കൊതിച്ചവരും ഉണ്ടാകാം.
എല്ലാ ഓര്മകളും നോവുകളും തനതു നനവോടെ ഓര്മ്മചെപ്പില് സൂക്ഷിക്കുക..ആ നോവിനും ഒരു സുഖമുണ്ടാകും.
Saturday, August 14, 2010
നഷ്ടപ്പെടുന്നവര്.....
Posted by anaamika.. at 1:54 PM